सोरगिदिं
सोरगिदिं नायोब्ला नुनो मोनो
समायना-रमायना महर-मुश्री
हायना गोनां मुहुनि गोनां
मिथिंगा सारि सारि।
जिब-जुनार,मुवा-जिराद
दाउमा-दावसा,एम्फौ-एन्थला
मानसि-दामसि बाइदि बाइदिया
अरायबो जयै खाथि खाथि थायो।
बयनिबो मुहुनि गोनां हायना सारफ्रावनाय
साननो-बुंनो हाया सोरजिनाय
रंगिना-संगिना महरफोरखौ।
नुनानै गोजोनआ दै बायदि बोहैबाय थायो
निस्थार-गोथारै बयनिबो गोसो गोर्बोआव
सोरजिगिरियाबो गोजोनो नुनानै।
खुद्र बसुमतारी