खन्थाइ (हे, ग'साइ)

 हे ग'साइ

हे ग'साइ, हे ग'साइ, हे ग'साइ 

गोजोन गैया सुखु गैया

बे मुलुग संसाराव ।

सुबुं माहारि महर  लानानै

रावखौबो नेवसिया बालानो 

अनलायनानै गोजोन थानो हास्थायो ।

अब्लाबो सुखु- गोजोन गैया 

हाबाब गावजों-गाव एना-एनि 

थेवबो  बे दुखुथिया जिउआ ।

बयबो गोसो गोर्बोजों नोंखौ फोथायो

सिबिनानै मोन्नो नागिरो  

अरायबो नोंनि अन्नाय  । 

बे बुहुमआव  जिउ थाजासिम 

सुबुं माहारिजों अन्नलायना थानो 

गोजोनै गोरोबना थानो हस्थायो ।

हे ग'साइ,हे ग'साइ, हे ग'साइ 

 जोंनो गोहो हरदो एबा बोर हरदो

नोंनि साननायजों आरो नोंनि अन्नायजों 

बयबो  सोलिनो हानायनि

जोंनि बे जिउआ ।

                                              खुद्र बसुमतारी

खन्थाइ ( जोनोम)

 जोनोम

बुहुमाव बयबो फैयो
सुखु-गोजोन लानानै
                      लासै लासैना देरनो हमो ।
                       मिनि रंजा-बाजा गेलेनानै 
बयबो नुनानै गोजोन मोनो 
सिमा गैया गोसोनि साननाय
             रुगुं गैया जिउआ ।
              थांनानै थानो सानो 
संसारनि मायाजों गोरोबनानै 
सुदेम गोजोन बारजों थानो लुबैयो ।
          लुबैनायबो बाइफ्लेनो हमो
  जोबोर मेंनानै जिरायो
                       जिरायनानै उन्दुलांनो गोसो जायो। 

                                                                               खुद्र बसुमतारी 

खन्थाइ ( बिबार)

 बिबार

महर गोसा ,मुहुनि नांहोनाय
बयखौबो गोसो नांहोनानै 
गावनि फारसे बोदोर खालामो ।
             
            संसाराव नोंनि महरजों
               रावखौबो रुजुनो हाया ।
संसारनि बयबो नागिरो 
साखाथियाव अरायबो ।
                                                     
                                                                 थायो बयजोंबो मिनि-बाला ,मिनि-बाला रायज्लायनानै
                                                   बायदेमलाय-सिदेमलाय मोसायो फुंबिलियाव
                                   रंगिना-संगिना महरजों गोजोन होयो ।

गोसो-बायल्फेनायफोरखौ रंजाखां होयो
दुखु-दाहाफोरखौ नेवसि होयो आरो 
होखारनानै खुसि होयो ।
              
                मा एसेबां महर गोनां 
           मा एसेबां समायना
                                बुहुमनि बयनिख्रुइबो मुहुनि गोनां
                                       महर गोनां आरो हायना गोनां नोंनो।

                                                                                 खुद्र बसुमतारी

खन्थाइ (सोरगिदिं)

 सोरगिदिं

सोरगिदिं नायोब्ला नुनो मोनो

समायना-रमायना महर-मुश्री

हायना गोनां मुहुनि गोनां

मिथिंगा सारि सारि।

जिब-जुनार,मुवा-जिराद

दाउमा-दावसा,एम्फौ-एन्थला

मानसि-दामसि बाइदि बाइदिया 

अरायबो जयै खाथि खाथि थायो।

बयनिबो मुहुनि गोनां हायना सारफ्रावनाय

साननो-बुंनो हाया सोरजिनाय

रंगिना-संगिना महरफोरखौ।

नुनानै गोजोनआ दै बायदि बोहैबाय थायो

निस्थार-गोथारै बयनिबो गोसो गोर्बोआव

सोरजिगिरियाबो गोजोनो नुनानै।

                                                                                        खुद्र बसुमतारी

खन्थाइ (सिमां)

                                                                                               सिमां 

                                                                                           बबे जायगानिफ्राइ फैयो 

                                                                                          बबेयाव थांफिनो द'सेनो 

                                                                                                 बयनावबो नुजाफैयो। 

                   मिनि,रंजा-खुसि

           होफैयो बयखौबोय

              हान्थीनो लुबैयो

           गोसो जायो उसाव-बादाव

              समान समान थांफानो हाया ।

          मा एसेबां समायना

            मा एसेबां मुहुनी गोनां

         नोंनि राइजोया ।

                                              खुद्र बसुमतारी

Computer & Mobile Keyboard नि इंराजी हांखोफोरखौ बर’ हांखोआव लिरनायनि सिनायथि।

 

Computer & Mobile Keyboard नि इंराजी हांखोफोरखौ आरो सिनफोरखौ बर’ हांखोआव लिरनायनि सिनायथि। गाहायाव दिन्थिनानै होनाय जाबाय ।

🔯 हांखोफोरखौ आरो सिनफोरखौ गाहायाव दिन्थिनानै होनाय जाबाय जेरै:

A=ओ       B=व       C=म, shift+C=ण        shift+D=अ      shift+E=आ      shift+F=इ

Shift+G=उ    H=प, shift+H=फ         I=ग, shift+I=घ           J=र, shift+J=ऱ

K=क, shiht+K=ख      L=त,shift+L=थ       M=स, shift+M=श      N=ल, shift+N=ळ 

O=द, shift+O=ध    P=ज, shift+P=झ     shift+Q=औ    shift+R=ई     

Shift+S=ए     shift+T=ऊ   U=ह, shift+U=ङ    V=न    shift+W=ऐ     

Y=ब, shift+Y=भ

[=ड, shift+[=ढ      shift+]=ञ           ;=च, shift+;=छ         “=ट, shift+”=ठ      

shift+<=ष           shift+>=।         ?=य, shift+?=य़        shift+%=ज्ञ      shift+^=त्र  

shift+*=श्र       shift+&=क्ष     shift+#=र       shift+$=र्

🔯 मोन्नै हांखो दाजाबनानै थानाय जेरै:

 Cdn=म्ल          vdv=न्न         cdc=म्म         bdb=व्व         mdk=स्क  

 ldl=त्त               ;d;=च्च                      jdj= र्र       बाइदि बाइदि।

 🔰 “D”हांखोखौ मोन्नै हांखोनि गेजेराव एबा जायखिजाया हांखोनि गेजेराव बाहायनानै दाजाबनाय हांखो लिरनो हायो।

🔯 हांखो आरो सिननि महरफोर जेरै:

Shift+ हांखो महर लागोन

हांखो सिन महर लागोन 

   D=अ       E=आ      F=इ     R=ई 

    G=उ     T=ऊ  +=ऋ

    S=ए           W=ऐ       A=ओ     Q=औ     

     X=लं ऑं        

👌सोदोब लिरनाय समाव बै हांखोफोर आरो सिनखौ थाइप (Type) खालामब्लानो गाव गावनि महर लागोन।

👍👍👍जोंनि बिमा रावजों Typing खालामनायाव मदद होगोन,फै जों बयबो सोलोंनानै लाने ।

खन्थाइ (लामा)

 लामा

जागायनो हायाखै

दावबायनो रो़ंङाखै

गासैबो खोमसि खोमसि।

नागिरै नागिरै मेंदों 

दुखु-दाहाजों जिरायदों

मोंदै बोहैदों र'र'नो।

मोदैआनो लाबोदों

मोदैआनो दिन्थिदों

लामानि जोंथिंखौ।

                                                                                                                    खुद्र बसुमतारी ।